سؤال لعلام العرب طالب جواب
عن قلوطتن تاهت افكاري ابحلها
ليش الدفاع اعن الوطن اسمه ارهاب
والحق لمن غازي العروبة اوخذلها
والي احتل بغداد ننظر له بعجاب
وانقلده اوسمه بارض النبينه نزلها
والصار بالسودان ماهو بالحساب
بأي عرف تحرير الارض من اهلها
اتضح منكم للبنتاكون اكتـــــــــــاب
مروجين الكندليزه اوعملهـــــــــــا
ياللاسف الحيد ابو الهيجات غاب
عز العروبة لو تعثر حملها
راح الهمام الكان للحك طـــــــــلاب
اوضلت رعابين صدى الخوف ذلها
الصار همهم بالكراسي والاحزاب
ولد العمومة بلير شتت شملها
كثرة كراسي خاوية مالها اصحاب
اونار المجوسي من حطبكم شعلها
اشكم من جلالات اوفخامات واحزاب
اولمة التعاون بالخليج او دولها
حسني تمرد ونخذل عكب ما شاب
اومصر الكنانة عن العروبة عزلها
طاعو لامرة بوش من شين اوشاب
الكل سكت من كندليزة اوزعلها
اوجادت لكم من ذلة العيش ما طاب
لا عاش من شاف الاهانة اوقبلها
كافي تخاذل يا عرب كافي غياب
كافي تشوهون الحقيقة ابدلها
الخوف ما فك الحباره من العكاب
والراد الكرامة مو بذله يصلها
لو صار ما تزعل اويضرب بيها اركاب
كاس المذله دوم بيدك نولها
(بقلم الشاعر ناظم ابن نسنيس)[center]
موضوع: الى حكام العرب؟؟؟؟؟؟؟؟ظ 
الخميس أبريل 26, 2012 3:05 am