الفرق بين تمارين العزل و التمارين المركبة

الفرق بين تمارين العزل و التمارين المركبة


...
مين منا مسعمش كلمة .. التمرين ده تمرين عزل .. او التمرين ده تمرين مركب
سمعنا فيه اللى عرف يعنى ايه وفيه اللى معرفش
وفيه اللى سمع المعلومة غلط
...
خلاص احنا نريح نفسنا ونعرف يعنى ايه تمرين عزل وتمرين مركب

...
أولا التمارين المركبة
=====

التمارين دى هى اللى انا بستخدم فيها اكتر من مجموعة عضلية " مثلا ظهر + باى "
وبستخدم فى التمرينة دى اكتر من مفصل " كتف + مرفق" = " مفصلين"
بمعنى انى بركب فى التمرينة دى كذا مفصل يشتغلو
وكذا عضلة هكذا
طب زى ايه بقى التمارين المركبة
عندك مثلا الاسكوات بيشغل مفصيلن الركبة والحوض
وبيشغل اماميات وخلفيات الرجل والسمانة والقطنية
ومثل تانى السحب الامامى
بستخدم فيه مفصل المرفق والكتف
والعضلات اللى بتشتغل فيه عد براحتك
باى وهامر ومجنص وترابيس وكتف خلفى
وداخليات الضهر شغالة بردو
...
إيه بقى فايدة التمرين المركب
==
1-حرق سعرات حرارية اكتر
2-تمرين اكثر من عضلة فى وقت واحد بمعنى تمرين اسرع
3-تقليل خطر الاصابة
4-تعلية نسبة الـ Heart Rate
5-تجنب اجهاد العضلة فى التمرين الطويل
6-تساعدك على حمل اوزان اكثر وتدعيم القوة

....

وندى امثلة على التمارين المركبة
==
السحب الامامى والخلفى


......
التى بار


....
القطنية

....
بار امامى للكتف


...
بارات الصدر

...
المتوازى


"" مجرررررررررررد أمثلة والتمارين كتير ""
.......
......
......
........
ثانيا نيجى بقى لتمارين العزل
يعنى إيه عزل ؟
بالمعنى الاولى اللى هاييجى لذهنك ان العزل انى بعزل شىء عن شىء
تمام كده
يبقى تمارين العزل هى التمارين اللى انا بستخدم فيها مفصل واحد فقط لتمرين مجموعة عضلة واحدة فقط " بايسيبس او تراى سيبس مثلا "
وبالتالى انا فى تمارين العزل بعزل العضلة عن غيرها فى التمرين
يعنى بدل ما انا بشغل البايسبس مع الضهر
او التراى مع الصدر
لا
انا هالعب الباى لوحدها من غير اى عضلة تانية مساعدة وهكذا التراى

طب يا عم ما تقولنا فايدة تمارين العزل دى إيه
..
أقولك يا مان
===
1-تكبير
عضلة معينة عن غيرها بمعنى فيه ناس تقولك انا الباى عندى مخفية من غير
ملامح .. فتاخد نصيحة انك تضم نوع او نوعين ارتكاز فى تمرين لان الارتكاز
بيحقق اكبر عزل لعضلة الباى وبالتالى تظهر معاك اكتر وده برده مفيد لتحقيق
التناسق يعنى لو واحد عنده عضلة الباى مش ماشية مع الدراع كله ومش متناسقه
معاه او عضلة الكتف الخلفى مافيهاش تناسقة يديها تمرين عزل يركز عليها
لوحدها ويحققله المطلوب وهكذا بقية العضلات والباى مجرد مثال
2-تدعيم القوة لعضلة ضعيفة عند حضرتك – وطبعا طالما بتمرن العضلة لوحدا يبقى قوتها هاتزيد
3-وتمارين العزل مفيدة جدا بعد الاصابات لان العضلة المصابة بتكون ضعفت وحجمها قل .. فبحاول اعوض ده بتمارين العزل للعضلة دى علشان اطور من قوتها ومن حجمها بالتركيز عليها هى فقط
""" نختصر اكثر ان تمارين العزل هى تمارين وضع اللمسات النهائية للعضلة والتشكيل والتحديد و البروز """
....

وأمثلة تمارين العزل
===
ارتكاز الباى


...
كيك باك تراى


....

رفرفة امامى

....

رفرفة جانبى

....

السمانة

...

تفاتيح الصدر


"" مجرررررررررررد أمثلة والتمارين كتير ""
.....
....
...
...
........

وعموما علشان ماتوهش بين التمارين
خليها قاعدة وانت بتتمرن
التمرين اللى بستخدم فيه مفصل واحد هو تمرين عزل
والتمرين اللى بستخدم فيه كذا مفصل هو تمرين مركب
وملحوظة
ان التمارين المركبة مفضل انها تتلعب قبل تمارين العزل
لانها تحتاج كم اكبر من الطاقة
...
المقال الرئيسى

إقتباس






[ندعوك للتسجيل في المنتدى أو التعريف بنفسك لمعاينة هذا الرابط]